jueves, 3 de abril de 2008

Que Abril!

Qui s'aburre ye porque quier... En que plega a primabera, parix que a todas as asoziazions, organizazions y coleutibos les prenzipia una alerchía a estar quietos y pretan a parar autibidaz a tot estrús. A lo conzierto d'iste domingo, responden dende Zerberuela, lugar inmortal, con unas chornadetas bien majas. Tallers, corridas de pollos y prou que un conzierto de Mallacán, Muskaria y unatra colla. Tot isto de baldes y con zona d'acampada t'os foranos... Que cabo de semana más majo que i pasaremos!

En tornar ta Zaragoza, prenzipiarán as XV Chornadas d'as luengas que organiza toz os años Nogara. Estiaño bi abrá tres charradas y l'acto d'o Sabado de maitins que parix bien majo. Sobre o charrador d'o biernes podez leyer lo que aparixió en O Chemeco d'as parolas fa poco. Y podez aprofeitar cuan baigaz t'as charradas ta mercar o nuebo Espiello, que ya ye en a carrera...

Ixe cabo de semana será a presentazión de Shadowmoor, a nueba colezión de Magic. Y tanimientres s'abrán chugau ya bels campionatos d'os Store Challenge en Freakland. Istos, antimás han esbiellau a web suya, que ya les caleba, y, en a mía opinión les ha quedau bien pincha.



Y a l'atro cabo de semana, se fan as chornadas por o Río Galligo. A info la tenez en iste binclo. Han presto un programeta bien majo y asperemos que l'orache nos acompañe.


A tot isto, cal adibir a Zincomarzada bis que se ferá en San Chorche, a Fiesta del Sol, as actibidaz d'a Frida Kahlo y asinas asinas... que si adubo en charraré más entabán.

Lo dito, qui s'aburra ye porque quier...

1 comentario:

Orebuc dijo...

Qui s'aburra ye porque quier, porque iste cabo semana podrez beyer o buestro nabegador GPS charrando n´aragones!!
Traduzion d´o Tomtom (de prebatinas)
http://diaple.blogspot.com/
"o diaple d´o gadget"